.
قالها قبل 27 سنة فعلا اليوم مثل الأمس
قصيدة خلف بن هذال العتيبي
🔥 *من دون صهيون .. بذتنا صهاينا*🔥
والمملكه في حمانا حيث ما كنا
بالدم نسقي ثراها وانتحضنها
فرض علينا وعهد قد مضى منا
انرد بالنار هجمات العدا عنها
صنا المشاعر عن اشرار العدا صنا
عنها الشوارب الى فتلت نحسنها
مكه وطيبه لنا والنا وغصب النا
ترسانة الدين للعالم نترسنها
على الجزيره بحزم وعزم هيمنا
تفخر بنا فايسر العربان وايمنها
بالعدل والعرف والحكمه تسلطنا
نترك كثير الامور ونأخذ احسنها
لا هانت بلاد اخو نوره ولا هنا
الجوخه اللي لبسنا من بطاينها
دار ربتنا وضمتنا وفضلنا
الموت فيها ولا نجس يدرنها
دار على خدها الطاهر تمكنا
فيها ومن فوقها نحفظ توازنها
يادار طير السعد والعز لك غنا
حلو الأناشيد بأصواته يلحنها
يادار ما تقتحمك الأنس والجنا
دونك عيال تفادي عن مواطنها
دباحة الحيل وأهل الهيل والبنا
نطاحة القوم حماية ظعاينها
في سوق جاتك ما هوب بسوق هونا
تحمي علمها والى ماتت يكفنها
ان دندنت طبلة الحرب دندنا
بآيات حق علي وبلال دندنها
كم حريب تورط في حبايلنا
حبايل من اسلوب الحرب نتقنها
جاك امتنكس ويخسر من يراهنا
مثل الذبيحه بأسافلها نكرعنها
واليا دعا من يشيل الحمل له شلنا
ارقابنا في حياض الموت نرسنها
وحنا على جبهة الغازي تكاملنا
حاضر بحاضر عدانا ما نعاينها
وحنا ليا عدت فعول العرب حنا
انساند العرب وندعم تضامنها
وحنا ليا انحلت الاسره تعاونا
وقمنا على جمعها حتى نحصنها
وحنا ليا اشتدت الأزمه توصلنا
حلى حلول العقول اللي تهونها
وحنا ليا جاتنا الغلطه تحملنا
الاوله نبلع الغلطه ونعلنها
وان جاتنا الثانيه .. لا ما تما هنا
بالسابقه نحسب الأخرى ونقرنها
وراعي الغلط بالغلط معقول ومثنا
يلقى الحقايق وبعيونه يعاينها
نسمع بنبح الكلاب ولا تجننا
الكلب له حربه بكره نسننها
من دون صهيون .. بذتنا صهاينا
تكفر بالاسلام وتركز كماينها
الله يالانذال يقلع رمسكم عنا
اطماعكم عندنا بانت بواينها
مع منكرين الصنيع أمست محاسنا
سيات تحكي به العدوان بألسنها
واليا تضايق غريب الدار يزبنا
تدمغ له الروس وان طالت نطمنها
لو هي تلين الجبال الصم ما لنا
على الحقوق ارتكينا في مماكنها
.
.
Check out @fayezalanazi’s Tweet: https://twitter.com/fayezalanazi/status/942453964926222343?s=08
.
نـمـاء .. إنماء .. تنمية .. لك .. لي .. لنا 
اترك تعليقًا